Link açıqlığı

Aqmescitet aprel 22 künü mahkeme ATR telekanalı operatorı Eskender Nebiyevge ceza qararını belgileycek. Eskender Nebiyevni Rusiye uquq qorçalayıcıları «fevral 26 işi» boyunca yaqalağanlar.

Bunı Qırım.Aqiqatqa qırımtatarlarnıñ milliy areket faali, Qurultay Merkeziy saylav komissiyasınıñ reberi Zair Smedlâyev bildirdi.

Onıñ malümatına köre, toplaşuv Aqmescitniñ Kiyev rayon mahkemesinde saat 14:00 başlanacaq.

Bundan evel mezkür iş boyunca Ali Asanov yaqalanğan edi.

Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

XS
SM
MD
LG