Advokat Mark Feygin Rusiye ve işğal etilgen Qırımğa qırımtatarlarnıñ yetekçisi Mustafa Cemilevniñ kiriş yasaqlağı aqta qarar Rusiye Federal havfsızlıq hızmetinde alınğanını bildirdi.
Bunı o öz Twitterinde yazdı.
«Mustafa Cemilevniñ temsilcisi olğanımnıñ neticeleri peyda ola. Niayet. Oña kirişni FSB yasaqladı!», – yazdı o.
2014 senesi Mustafa Cemilevniñ Qırımğa kirişi beş yılğa yasaqlandı, aynı şu senesi iyül ayında bu kibi yasaq Qırımtatar Milliy Meclis reisi Refat Çubarovğa berildi. Cemilev işbu qararğa Rusiye mahkemelerinde itiraz bildire. 2015 senesi Moskvanıñ Basman mahkemesi Mustafa Cemilevniñ Rusiye, şu cumleden işğal etilgen Qırımğa da kirişini yasaq etti.
