Link açıqlığı

Çarşenbe künü, aprel 22-de, Qırımtatar Milliy Meclis reisi Refat Çubarov Avropa Şurasınıñ İnsan aqları boyunca komissarı Nils Muižnieks ile körüşip, Qırım tamır halqına nisbeten ayırım siyaseti aqqında tarif etecek.

Bunı Meclisniñ matbuat hızmeti bildire.

«Qırımda qırımtatarlarnıñ soñki tevqif ve sorğuları yarınki körüşüv devamında muzakere etilecek», – bildireler aprel 21 künü matbuat hızmetinde.

Qırımda qırımtatar halqınıñ temsilcileriniñ yaqalav ve tevqifleri devam ete. Qırımda 2014 senesi fevral 26 künü «kütleviy numayışlarda iştirak etüv»de qabaatlanğan ATR qırımtatar telekanalınıñ operatorı Eskender Nebiyevge aprel 22 künü keçirilmesi mümkün olğan mahkeme toplaşuvında ceza qararını ala bileler.

Bundan evel mezkür iş boyunca Ali Asanov yaqalanğan edi.

Hatırlatamız, 2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar.

XS
SM
MD
LG