Link açıqlığı

Qırım «narazılıq» meydanlarında 1700 qurulışnı yoq ettiler. Bunı Qırımnıñ mülkiyet ve topraq munasebetleri naziri Aleksandr Gоrdetskiy bildirdi, haber ete RİA Krım.

Onıñ sözlerine köre, Qırımda 1,5 biñ gektar meydanlığında 59 topraq massivi qayd etilgen eken.

Gorodetskiy şunı da qoştı ki, inşaatlarnıñ eñ büyük qısmı Aqmescit rayonında yıqılğan. Saipleri qurulışlarnı öz esabına yoq eteler.

«Biñge yaqın qanunsız inşaat Aqmescit rayonında yıqılğandır. Sudaq, Nikitada (Büyük Yalta) inşaatlarnı bütünley yıqtılar, şimdi territoriyanı cıyıştıralar. Aqmescitniñ çeşit rayonlarında eki yüzden ziyade qurulış yoq etildi. Vatandaşlar bunı öz küçü ve şahsiy esabatlarına yapalar», – dedi Gordetskiy.

Qırım baş nazir muavini Ruslan Balbek aytqanı kibi, inşaatlarnıñ yoq etilmesi aqta qarar narazıcılarnıñ ükümet temsilcileri ile muzakerelerinden soñ alındı.

XS
SM
MD
LG