Link açıqlığı

Saatnıñ esas haberi

Qırım federal universitetinde ve Qırım ükümetinde Bagrovnıñ ölümi sebebinden taziyelerni bildirdiler


nikolay bagrov
nikolay bagrov

V.İ.Vernadskiy adına Qırım federal universitetiniñ yolbaşçılığı aliy oquv yurtunıñ vefat etken prezidenti Nikolay Bagrovnıñ tuvğanlarına taziyelerini bildire.

«2015 sensi aprel 21 künü 78 yaşında olğan meşur alim, akademik, belli siyaset ve cemaat erbabı, V.İ.Vernadskiy adına Tavriya milliy universitetiniñ rektorı, V.İ.Vernadskiy adına Qırım federal universitetiniñ prezidenti Nikolay Vasilyeviç Bagrovnıñ vefat etkeni aqqında bildiremiz», – haber etile QFU resmiy saytında.

«Nikolay Vasilyeviçniñ ayatı Qırımğa bağışlanğan edi. Öz faaliyetini köy mektebiniñ ocası olaraq başlağan Nikolay Vasilyeviç Firqanıñ Qırım vilâyeti komitetiniñ başı, soñra Qırım Yuqarı Şurasınıñ başı ola. Qırım muhtariyetiniñ başında turğan o edi», – denile beyanatta.

Mersiyede qayd etilgeni kibi, Nikolay Bagrov «soñki daqqağace bar küçü ile universitet amanlığına çalışıp, onıñ inkişafına büyük bir isse qoşmağa yetiştirgen edi».

QFU prezidenti Nikolay Bagrovnıñ tuvğanlarına taziyelerini Qırımnıñ şimdiki başı Sergey Aksönov da bildirdi.

«Körüngen siyaset ve cemaat erbabı, Qırım Yuqarı Şurasınıñ birinci reisi, 1991 senesi Qırım referendumınıñ teşebbüsçi ve teşkilâtçılarından biri, V.İ.Vernadskiy adına Qırım federal universitetiniñ prezidenti, cumhuriyetimizniñ tarihındaki izi pek emiyetlidir. Zenaatdaş ve safdaşları Nikolay Vasilyeviçni iradeli, tecribeli insan olaraq bile, adamlarğa olğan eyi munasebeti, namuskârlığı ve vicdanlığı içün ürmet ete edi», – denile Aksönovnıñ Qırım ükümetiniñ resmiy saytında aşkâr etilgen beyanatında.

Malüm olğanı kibi, Qırımda yarımadanıñ işğalinden soñ Qırım federal universiteti olğan Vernadskiy adına Tavriya milliy universitetiniñ prezidenti Nikolay Bagrov elâk oldı.

XS
SM
MD
LG