Link açıqlığı

Qırımda yarımadanıñ işğalinden soñ Qırım federal universiteti olğan Vernadskiy adına Tavriya milliy universitetiniñ prezidenti Nikolay Bagrov elâk oldı. Bunı Qırım.Aqiqatqa universitet hadimi bildire.

Aliy oquv yurtunıñ saytında prezidentniñ ölümi aqqında malümat şimdilik yoqtır. «Yolbaşçılıq» bölüginde Nikolay Bagrov alâ daa prezident olaraq belgilene.

Vernadskiy adına Qırım federal universitetiniñ prezidenti Nikolay Bagrov 1937 senesi oktâbr 26 künü Herson vilâyeti Novotroitsk köyünde doğdı. Coğrafiya ilimler doktorı. 1991-1994 seneleri Qırım Yuqarı Şurasınıñ reisi ola. 1999 senesinle Vernadskiy adına Tavriya milliy universitetiniñ retkorı olıp çalışa. Qırım işğalinden soñ V.İ.Vernadskiy adına Qırım federal universitetiniñ prezidenti ola. 2002 senesi Bagrov knâz Yaroslav Mudrıy nişanı ile taqdirlene, 2007 senesi Ukraina Qaramanı unvanına nail ola.

Nikolay Bagrov «Çetel işler maydanı» tarafından teşkil etilgen «Qara cedvelge» kire. Oña köre, yarımadanıñ işğaline yardım etkenler «Ukraina Qaramanı» unvanından marum qaldırılmalı.

XS
SM
MD
LG