Link açıqlığı

Saatnıñ esas haberi

Şaatlıq içün politsiya Qırım faaliniñ ailesine keldi


Qırım faali, vatandaşlıq jurnalisti-bloger Marlen Mujdabayev aprel 21 künü Aqmescitte yaşağan ana-babasınıñ evine olğan politsiya ziyareti aqqında bildire.

Bunı o Facebook saifesinde yaza.

Onıñ sözlerine köre, üç ay içinde bu uquq qoruyıcılarnıñ endi dörtünci ziyaretidir. Faali politsiya onı qıdırğanından emindir.

«Saat 11:00 politsiya hadimleri isardan sıçrap, qapını qırdı ve evge kirmege tırıştı. Evde bir buçuq yaşında balası ile ağamnıñ qadını buluna edi, olar pek qorqqanlar. Saat 12:00 qadar şaatlıq ala ve protokollarnı tize ediler…», – dey o.

Tünevin Qırımda qırımtatar uquq qorçalayıcısı Emir-Üsein Kuku ve ATR operatorı Eskender Nebiyevni yaqalap, evlerinde tintüv keçirdiler. Birincisi azat etildi, yaqalanğan operatornıñ taqdiri aqqında malümat yoq. Qırım uquq qoruyıcı organları bu aqta izaat bermey.

XS
SM
MD
LG