Link açıqlığı

Saatnıñ esas haberi

Qırımda ukrain timsalleri sebebinden mahküm etilgen faalniñ apellâtsiya boyunca mahkeme toplaşuvını başqa künge qaldırdılar


Leonid Kuzmin
Leonid Kuzmin

Qırımnıñ Yüksek mahkemesi mart 9-da Aqmescitte ukrain şairi Taras Şevçenkonı añma aktsiyasında ukrain timsallerinden sebep 40 saatlik mecburiy işler ile cezalanğan faal Leonid Kuzminniñ apellâtsion şikâyeti boyunca toplaşuvnı başqa künge qaldırdı, dep haber ete Qırım.Aqiqat.

Toplaşuvnıñ mayıs 19-ğa qaldırılması aqqında faalniñ adliyecisi rica etti, çünki oña bugünki toplaşuv aqqında haber etmediler.

Bazarertesi künü, aprel 20-de, Yüksek mahkeme diger Qırım faali Veldar Şukurciyevniñ Demir yol rayon mahkemesiniñ qararını lâğu etip, ceza olaraq 10 biñlik para cezasını belgiledi.

Malüm olğanı kibi, faalller Aleksando Kravçenko, Leonid Kuzmin ve Veldar Şukurciyev mart 9-da ukrain şairi Taras Şevçenkonı añma tedbirinde yaqalanğan ediler.

Mart 12-de mahkeme olıp keçti, faallerniñ ukrain timsallerini qullanğanlarından sebep cezası belgilendi. Mahkeme er bir faalni 40 saatlik mecbur işler ile cezaladı.

XS
SM
MD
LG