Link açıqlığı

«Reabilitatsiyası yapılğan halqlarnıñ canlanuv Künü»ni Qırımda politsiya nezareti altında qayd eteler


Aqmescitte şeerniñ baş meydanını politsiya hadimleri sarıp aldı, etrafta metallodetektorlarnı yerleştirdiler. Böyleliknen Qırım paytahtında «Reabilitatsiyası yapılğan halqlarnıñ canlanuv Künü»ni qayd eteler, haber ete Qırım.Aqiqat.

Meydanda sofralar donatılğan – mında belorus, rus, ukrain, qırımtatar, ermeni aşlarını taqdim eteler. Rusiye medeniyetiniñ temsilcileri yırlarnı icra ete, digerleri susıp tura.

Bunıñ ile beraber kontsert içün bir sana meydanda yoqtır, keçip ketkenler ise işbu tedbir «dostane bayram kontsertine köre, daa ziyade bir cıyınğa» oşağanı aqta bildireler.

Umumen meydanda bir elli adam toplandı.

Qırımda aprel 21 künü Rusiye prezidentiniñ «Ermeni, bulğar, yunan, qırımtatar ve alman halqlarınıñ reabilitatsiyası ve inkişafınıñ devlet destegi aqqında» fermanınıñ yıllığına bağışlanğan «Reabilitatsiyası yapılğan halqlarnıñ canlanuv kününi» qayd eteler.

Vladimir Putin 2014 sene aprel ayında, Qırımnıñ Rusiye terkibine keçmesine yol bergen mart «referendum»ından soñ, repressiyalarğa oğrağan halqlarnıñ aqlanuvı aqta fermannı imzalağan edi.

Qırımnıñ baş nazir muavini Dmitriy Polonskiy aprel 21-ni «quvanç künü» ve qırımtatar halqınıñ sürgünlik kününi – mayıs 18-ni alternativası olaraq saymağa teklif etti.

XS
SM
MD
LG