Sibirde yüz bergen yanğınlarnıñ qurbanı 34 insan oldı, yedi buçuq biñden ziyade kişi zarar kördi.
Bunı FVH yolbaşçısı Vladimir Puçkov Rusiye prezidenti Vladimir Putin ile Hakasiya körüşüvinde bildirdi.
Bundan evel Putin Abakandaki vaqtında yerleşüv noqtasını ziyaret etip, ükümet yanğınlardan zarar körgen adamlarnıñ yardımına 680 million ruble ayırğanını bildirdi. Prezident eñ yaqın vaqıtta zararğa qıymet kesip, tazminat ödemege avale etti.
Göñülliler 230 kilogramm malnı, 10 kilogramm ilâc, bir buçuq biñ urba ve hocalıq malını topladılar.
Faallerniñ aytqanına köre, yükni uçaq ile yollamaq içün, eşyalarnı aydınlatacaq resmiy mektüpni bermek kerek. Demir yollarnen yardımnı yollamaq yalıñız ticaret esasında mümkün. Neticede olar yükni Hakasiyağa maşinanen alıp ketecek insannı taptılar, lâkin oña da benzin parasını bermek kerek. Peterburg şirketlerinden biri masraflarnı qarşılamağa razı oldı.
Yerli sakinler yardımnıñ büyük qısmı olarğa kelmegeninden şikâyet eteler, şu sebepten faller onı özleri paylaşmağa qarar aldılar.
