Københavnde aprel 21-24 künleri Amerika Qoşma Ştatları, Baltiya ve Şimal memleketleri arasında arbiy-siyasiy dialogına bağışlanğan birinci çoq taraflı körüşüv keçirilecek. AQŞ Devlet departamenti bildire ki, yañı forumda Danimarka, Estoniya, Finlândiya, İslandiya, Latviya, Litvaniya, Norvegiya, İsveçiya ve AQŞ vekilleri toplaşacaqlar. Amerika tarafını devlet kâtibiniñ arbiy-siyasiy meseleler yardımcısı Punit Talvar temsil etecek.
İlânda aytıla ki, taraflar havfsızlıq ve mudafaanıñ global ve regional meselelerini, melez cenkniñ telükesini, sıñır telükesizliginiñ teminlevi ve arbiy azırlıq yollarınıñ eyiliştirilmesini muzakere etecekler. İlk körüşüv Danimarkada keçirilecek, al-azırda bu devlet Şimaliy Avropada ortaq munasebetleriniñ pekitilmesi gruppasınıñ reisi ola.
