Link açıqlığı

Saatnıñ esas haberi

Qırımnıñ siyasiy mabusı Kolçenkoğa qoltutuv aktsiyaları dünyanıñ sekiz memleketinde olıp keçti


Aleksandra Kolçenkoğa qoltutuv aktsiyası, Biarritz (Frenkistan)
Aleksandra Kolçenkoğa qoltutuv aktsiyası, Biarritz (Frenkistan)

Dünyanıñ 16 şeerinde Qırımnıñ siyasiy mabusı Aleksandr Kolçenkoğa qoltutuv aktsiyaları olıp keçti. Bunı faaller Facebookta bildirdiler.

«Birdemlik komiteti» teşebbüs gruppası hatırlattı ki, aprelniñ birinci yarısında dünyanıñ farqlı memleketlerinde Qırımda faşizm ile küreşken cemaat faali Aleksandr Kolçenkoğa halqara qotutuv kampaniyası keçirildi. O, kinorejissör Oleg Sentsov ile beraber Moskvanıñ SİZOsında terrorizmde şeklenip tutula.

Berilgen malümatqa köre, Aleksandr Kolçenkoğa qoltutuv aftasınıñ teşebbüsçisi Moskvanıñ «Anarhistskiy çernıy krest» teşkilâtı oldı.

«Qırım meselesi – Ukraina ve Rusiyeniñ içki meselesi olmağanını kösterecek olamız. Ukraina ve Rusiye meselesinen meraqlanğan Avropa toplulığını Qırım ve Kolçenko meselesi meraqlandıra. Rusiye akimiyetiniñ qanunğa zıt yapqan areketleri cezasız qalmaycağını kösterecekmiz», – dep ayttı Moskvalı Olga Mirâsova.

Qırımlı ile birdemlik aktsiyaları dünyanıñ sekiz memleketiniñ 16 şeerinde olıp keçti, Bremen, Sankt-Peterburg, Minsk, Saloniki, Strasburg, Marsel, Varşava, Londra sakinleri de aktsiyalarğa qoşuldılar. Qırım.Aqiqat saytı bildirdi ki, Parijde Rusiye elçihanesiniñ binası ögünde aktsiya olıp keçti.

«Birdemlik komiteti» bildirdi ki, Aleksandr Kölçenko ve Oleg Sentsov ile birdemlik halqara aktsiyasını devam ettirecek.

Qırımda faşizmge qarşı küreşken içtimaiy faal Aleksandr Kolçenko 2014 senesi mayıs ayında Aqmescitte apiske alınğan edi. Onı Moskvadaki «Lefortovo» SİZOsına yolladılar. FSB taqiqatçıları onı ve Qırımnıñ daa üç sakinini, şu cümleden ukrain rejissöri Oleg Sentsov, tarihçı Aleksey Çirniy ve adliyeci Gennadiy Afanasyevni terroristik areketler, terakt azırlanması ve silânı qanunsız qullanuvda qabaatlaylar.

Ukrainada Kolçenko ve Sentsovnı siyasiy mabus olaraq tanıp, olarnı azat etmege talap eteler.

XS
SM
MD
LG