Qırımda mahkeme ukrain şairi Taras Şevçenkonıñ hatırasına keçirilgen aktsiyanıñ iştirakçisi Veldar Şukurciyevniñ mahkemeniñ mecburiy işler aqqında qararına apellâtsion şikâyetini baqın, yañı ceza olaraq 10 000 rublelik para cezasını belgiledi.
Bunı Şukurciyev mahkeme toplaşuvından soñ Qırım.Aqiqat mühbirine bildirdi.
Qırım faali bu qararnen razı degil ve onı şikâyet etmek niyetinde.
«Mahkeme birligine oşay, birisini illâ ki cezalamaq kerek. Olar 10 000 ruble eyi kibi keliştiler. Men mahkemeden afu soramasını, bir de bir taqip toqtatılmasını ve yasaq etilmegen devlet bayrağını qolumda tutmaq menim qanun aqqım olğanını tanılmasını talap etmek isteyim», – dep ayttı Veldar Şukurciyev.
Malüm olğanı kibi, faalller Aleksandr Kravçenko, Leonid Kuzmin ve Veldar Şukurciyev mart 9-da ukrain şairi Taras Şevçenkonı añma tedbirinde yaqalanğan ediler.
Mart 12-de mahkeme olıp keçti, faallerniñ ukrain timsallerini qullanğanlarından sebep cezası belgilendi. Mahkeme er bir faalni 40 saatlik mecburiy işler ile cezaladı.
