Link açıqlığı

Saatnıñ esas haberi

Rusiyede Yekaterinanıñ Qırım işğali kününi bayramğa çevirecek olalar


Sergey Tsekov
Sergey Tsekov

Qırımda yañı bayram peyda ola bile: aprel 19-nı II Yekaterinanıñ Qırımnı Rusiye devletine qabul etüv beyannamesini imzalav künü olaraq tesis etmege teklif ettiler. Böyle bir teklifni Qırım senatorı Sergey Tsekov seslendirdi.

«Aprel 19 künü – II Yekaterinanıñ Qırım ile bağlı tarihiy qararnı qabul etken künü – Vatanımıznıñ yaşayışında müim bir vaqiadır. Aynı bu qarar Rusiyeniñ Qara deñizge çıqmasını temin etti ve, elbette, Qırımnıñ şimdiki statusını belgiledi. Al-azırda aprel 19 künü Qırımda hatıra künü ola, II Yekaterinanıñ Beyannameni bastırğan künü. Amma menim fikirimce, bu kün Rusiye derecesinde hatıra künü olmalı, «Rusiyeniñ cenk şanı künleri ve hatıra künleri aqqında» qanunğa deñişmeler kirsetmek kerek», – dep tekrarlay Tsekovnıñ aytqanlarını kerch.com saytı.

Neşir Rusiye Federal Meclisi Federatsiya şurasınıñ diger azaları buña nasıl yanaşqanını bildirmey.

1783 senesi aprel 19-da Rusiyede Qırımnıñ Rusiye imperatorlığına qoşuluv künü sayılmaqta. Şu künü II Yekaterinanıñ Beyannamesi bastırıldı, «Qırım yarımadası, Taman adası ve Kuban tarafı» imperatorlıq terkibine kirsetildi.

XS
SM
MD
LG