Link açıqlığı

Ukrainanıñ yañı Anayasasında qırımtatarlar içün özüni belgilev aqları aqqında bir qararnı körmege isteyler


Pılıp Orlık adına Demokratiya İnstitutınıñ eksperti Natalya Belitser degeni kibi, Ukraina yañı Anayasasında qırımtatarlar içün özüni belgilev aqqı aqqında bir qarar olmalı.

Bunı o Kiyevde keçirilgen matbuat konferentsiyasında bildirdi, haber ete Qırım.Aqiqat.

Belitser şunı qayd etti ki, yañı Anayasada qaray ve qırımçaqlarnıñ medeniy ve qavmiy hususiyliginiñ saqlanuv kefaleti aqqında qarar olmalı.

«Ukrainada üç tamır halq bar olğanı bellidir: qırımtatar halqı, qaray ve qırımçaqlar. Amma nice sebeplerge köre, olarnıñ ihtiyacları, muayyen siyasiy statusnıñ saibi olmaq istegi bayağı farqlıdır. Sebebi ilk nevbette şundadır ki, bir qaç yüz insan, BMT beyannamesine köre, tamır halqlarğa berilgen özüni belgilev aqlarını yerine ketirip olamaz ki», – dey Belitser.

O şunı da qayd etti ki, Ukraina Anayasasında tamır halqlarnıñ aqları aqqında aytılsa bile, qırımtatar, qaray ve qırımçaqlarnıñ aqlarını ayrı qarar ile belgilemek kerek.

Ukraina prezidenti Petro Poroşenko mart 31 künü yañı Anayasa leyhasını azırlaycaq komissiya erkânını tasdiqladı. Onıñ terkibine Qırımtatar Milliy Meclis reisi Refat Çubarov da kirdi.

XS
SM
MD
LG