Aprel 20 künü Aqmescitte Yevromaydan faali Aleksandr Kоstenkonıñ işi boyunca mahkeme toplaşuvı başlandı. Onı 2014 senesi fevral ayında Kiyev Maydanında «Berkut» hadimine zarar ketirgeninde qabaatlaylar.
Krım.Media malümatına köre, mahkeme toplaşuvı Kiyev rayon mahkemesinde açıq sürette keçe.
Birinci toplaşuvğa federal, qırım ve ukrain matbuat vastalarınıñ temsilcileri keldi. Bu sebepten mahkemeniñ eñ büyük salonı saylanıldı, haber ete agentlik.
Toplaşuv devamında Aleksandr Kоstenkoğa nisbeten qabaat ve şaatlarnıñ delilleri seslendirilecek. Qabaatlayıcı taraf – Qırımnıñ Rusiye prokurorı Natalya Poklonskayadır.
«Şeklengen öz qabaatını tanıymı degen sualge Kоstenko cevap bermedi», – haber ete neşir.
Qırım Yevromaydan faali Aleksandr Kоstenkonı Qırımda 2015 senesi fevral 8 künü уаqaladılar. Mart 24 künü Kоstenkonıñ işi Aqmescitniñ Kiyev rayon mahkemesine berildi. Aprel 4 künü mahkeme tevqifini daa eki ayğa uzattı.
