Link açıqlığı

«Putinniñ yeri Gaagada»: Pragada Rusiyeniñ Ukrainadaki istilâsına qarşı narazılıq numayışını keçirdiler


Bazar künü, aprel 19-da, «Praga Maydanı»nıñ iştirakçileri «Cenkke qarşı sanat» aktsiyasını çerçivesinde sanalaştıruv şeklinde Ukraina ve Qırım vaziyeti aqqında tarif ettiler. Fallerniñ esas şiarı – «Putinniñ yeri Gaagada».

Radіo Svoboda bildirgeni kibi, qısqa sanalaştıruv – «Praga Maydanı» iştirakçileri tarafından azırlanılğan aktsiyanıñ esas qısmı – seyircilerge sabıq ukrain prezidenti Viktor Yanukoviçniñ rejimi ukrainalılarnı Menlik İnqilâbına itegeni, Kremlniñ Qırım işğali ve Ukraina şarqındaki ziddiyeti aqqında tarif etti.

«Sanalaştıruv çerçivesinde biz memleketimiz içün istenilgen kelecekni kösterecek olamız: yani, azatlıqnı, Qırımnıñ qaytarıluvını ve Putinniñ Gaagada olmasını isteymiz», – dey tarif ete Praga faali Yekaterina.

Aktsiya üç saat devam etti. Bu vaqıt içersinde iştirakçiler Ukraina içün qol tutuv imzalarnı, gumanitar yardımnı topladı, ukrain, çeh, ingliz yırlarını icra ettiler, resim yapıp, onı soñ aprel 19 künü Pragada keçken «Okean Elzı» taqımınıñ kontsertinde satqan ediler. Anda yerli faaller hayriye sergisini azırlap, Ukraina içün yardım topladı.

Rusiye Qırımnı 2014 senesi işğal etti.

XS
SM
MD
LG