Link açıqlığı

Saatnıñ esas haberi

Yatsenük: Rusiye Donbass ve Qırımdan yoq olmalı


Rusiye Federatsiyası Minsk añlaşmalarına riayet etip, Donetsk ve Lugansk vilâyetleri, Qırımdan da öz ordularını çıqarmaq kerektir, dedi «Ukraina» telekanalına Ukraina baş naziri Arseniy Yatsenük.

«Rusiye istilâcı memleket, topraqlarnı zapt etken devlet olmasını bitirmek kerek, dünya ögünde barışıq ve stabillik içün öz mesülietini añlamaq kerek ve Donetsk, Lugansk vilâyetleri ve Qırımdan yoq olmalı. Bizim toprağımızdır bu», ‒ dedi o.

Yatsenük qayd etkeni kibi, Ukraina öz topraqları üzerinde nezaretini pekitmek ve olarnı adetiy yaşayışqa qaytarmaq kerektir. Amma bunıñ barışıq çezilmesi yalıñız Rusiyeniñ Minsk añlaşmalarınıñ riayet etilmesine bağlı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG