Qırımda bazar künü, aprel 19-da, küçlü sağanaq yağması, boranlı yağmur, saniyede 15-20 süratlı yel tahmin etile. Bazı yerlerde tuman olacaq, 50-500 metr körünecek, dep bildire Rusiye Fevqulâde vaziyetler hızmetiniñ Qırım Cumhuriyetindeki baş idaresi. Ava vaziyetinden sebep yarımadada fevqulâde vaziyetler ola bile.
«Bölge boyunca yerli fevqulâde vaziyetler ola bile, naqliyat işi zorlaştırıla bile; qazaiy-tüzetüv işleri; bağ ve elektrik ağlarnıñ üzülmesi; reklama levhaları tüşe bile», – dep aytıla hızmetniñ saytında.
Qara deñizde dalğalarnıñ yüksekligi 1-2 metrni (4 ballnı) teşkil ete.
Aqyar sakinlerine ava bozulmasından sebep yaqın künleri qazalar ola bilecegini bildirgen ediler.
