Qırımlı ukrain boksçısı Aleksandr Usik rusiyeli Andrey Knâzev ile uruşta aprel 18-de ğalebe qazandı. Uruş vaqtından evel toqtatıldı, Usik 9-ıncı raundda tehnik knockout ile yeñdi. Ukrain boksçısı ekinci sefer çempion quşağını qorçalay.
«Qoltutmağa kelgeniñiz içün sağ oluñız. Raqibime teşekkürler bildirem, bu yalıñız boks, şahsiy bir şey yoq», – dep ayttı Usik uruştan soñ mühlisleri ve raqibine.
Qırımlı idmancı ve tuvğanlarına teşekkürler bildirdi. Uruşnı seyirciler zalında Usikniñ anası baqtı.
«Menim içün ayrı bir kün. Tam üç ay evelsi ömür arqadaşım maña üçünci balanı ediye etti», – dedi Usik.
Onıñ qayd etkenine köre, uruştan soñ evge, Aqmescitke, yol alacaq.
Ukraina prezidenti Petro Poroşenko ukrain boksçısını tebrikledi.
