Link açıqlığı

II Yekaterinanıñ «Qırımnıñ Rusiyege qoşulması aqqında» beyannamesiniñ yıllığını «samooboronanıñ» avtoyürüşi ile qayd ettiler


Aqmescitte aprel 18-de Medeniyet ve raatlıq merkeziy parkında II Yekaterinanıñ «Qırımnıñ Rusiyege qoşulması aqqında» beyannamesiniñ 232 yıllığına bağışlanğan «Aqyar-Qırım-Rusiye» avtoyürüşi başlandı, dep haber ete Qırım.Aqiqat.

II Yekaterina eykeliniñ temel taşı yanında miting olıp keçti. Tedbirde Qırımnıñ Rusiye ükümetiniñ vekilleri, deputatlar, «halq imayesi», Aqyarnıñ «samooboronası», cemaat teşkilâtları iştirak ettiler.

Miting iştirakçileri temel taşına çeçeklerni qoydılar. Qırımnıñ «halq imayesi» ve Aqyarnıñ «samooboronası» bir-birine bayraqlarnı berip «qardaşlaştılar».

Mitingden soñ bediiy sanat kontserti keçirildi.

Yürüşte Qırım ve Aqyar «samooboronasınıñ», em de bir sıra teşkilâtnıñ 50 maşinası iştirak etmekte. Maşinalar Aqyarğa yol aldılar.

Ukraina Tış işler nazirligi bu beyannameni Qırımnıñ birinci işğali dep adladı.

XS
SM
MD
LG