Link açıqlığı

Saatnıñ esas haberi

Qırımda Hıdırlezni Moskva artistleri ile qayd etmege planlaştıralar


Qırımnıñ Rusiye ükümeti bu sene qırımtatarlarnıñ Hıdırlez bayramını mayıs 3-te Moskva artistleriniñ iştirakinen keçirmek istey.

«İlk sefer bu şekilde Hıdırlez 2011 senesi keçirilgen edi. Bu sene eñ büyük sana qurulacaq, belli Moskva artistleri davet etildi», – dep ayttı Bağçasaray rayon şurasınıñ reisi Refat Derdarov akimiyetke qoltutqan Krıminform saytına.

Onıñ malümatına köre, Hıdırlezge bağışlanğan tedbirler Bağçasaray-Aqmescit yolundaki «Şaherizada» kompleksi yanında Bağçasaray rayonında keçirilecektir.

Bayramnı ziyaret etecek insanlar içün Aqmescit ve Bağçasaraydan avtobuslar, Bazarçıqtan (Poçtovoye) ise trenler yürecek.

Keçken sene Mustafa Cemilevni Moskva ava limanından Qırımğa kirsetmegenleri içün Meclis Hıdırlez bayramını lâğu etti.

Hıdırlez qırımtatarlarnıñ baar bayramıdır. Onı «quralay» (mayıs) ayınıñ birinci aftasınıñ cuma künü qayd eteler.

XS
SM
MD
LG