Link açıqlığı

Saatnıñ esas haberi

Aprel 17-de aqşam Qırımda Leonid Kuzminni – 2015 senesi mart 9-da Aqmescitte ukrain şairi Taras Şevçenkonı añma tedbirinde olğan ukrain timsalleri içün mahkeme etilgen faalni – köteklediler.

Bunı Kuzmin Facebookta bildirdi.

«Bugün aqşam, evge qaytqan vaqıtta, bir qaç genç erkek siyasiy sebeplerden, menim pravıy sektor ile alâqalarım bar dep, maña ücüm etti», – dep yazdı o.

Kuzminniñ aytqanına köre, o hastahanege muracaat etmege mecbur oldı.

Malüm olğanı kibi, faalller Aleksando Kravçenko, Leonid Kuzmin ve Veldar Şukurciyev mart 9-da ukrain şairi Taras Şevçenkonı añma tedbirinde yaqalanğan ediler.

Mart 12-de mahkeme olıp keçti, faallerniñ ukrain timsallerini qullanğanlarından sebep cezası belgilendi. Mahkeme er bir faalni 40 saatlik mecbur işler ile cezaladı.

Soñra Aqmescitniñ Demir yol mahkemesi aktsiyanıñ daa bir iştirakçisi Kurtseit Abdullayevni qabaatlı dep tanıdı, çünki o Ukraina bayrağını köterdi. Abdullayev bu qararğa razı degil ve onı şikâyet etmek niyetinde.

XS
SM
MD
LG