Link açıqlığı

Saatnıñ esas haberi

Ukraina akimiyetiniñ nezareti altında olğan Kramatorsk şeerinde Lenin eykelini yıqtılar


Kramatorsk şeeri, aprel 17 künü
Kramatorsk şeeri, aprel 17 künü

Kramatorsknıñ merkeziy meydanında Leninniñ eykelini yıqtılar. Al-azırda şeer Ukrainanıñ nezareti altında bulunğan Donetsk vilâyetiniñ bir qısmınıñ memuriy merkezi ola, dep haber ete Radio Svoboda.

Şaatlarnıñ «İnterfaks-Ukraina» agentligine bildirgenine köre, cuma künü şeerniñ merkezlerinde keçirilgen yürüş vaqtında Kramatorsk şeer şurası binasınıñ qarşısını tehnika keldi, eykelini yıqtılar. Eykelniñ yıqılması «112 Ukraina» telekanalınıñ canlı yayınında kösterildi.

Meydanda bir qaç yüz insan toplaştı, yerli sakinler kelmege devam ete. Bir çoq adam Ukraina devlet bayrağı ile kele. Yıqılğan abide yerinde Ukraina bayrağı ve qırmızı qara bayraq tiklendi. Yerli kütleviy haber vastalarınıñ malümatına köre, eykelni yıqmaq teşebbüsi şeerniñ «Svoboda» teşkilâtı oldı.

Cuma kününe keçer gecesi Stanitsa Luganskayada da Lenin eykeli yıqıldı. Lugansk vilâyet arbiy vatandaş memuriyetiniñ yolbaşçısı Gennadiy Moskal abide memuriyetniñ yanında cenk areketleri neticesinde zarar körmegen yekâne obyekt olğanını bildirgen edi. Moskalniñ aytqanına köre, cumaaqşamı künü «qasabanıñ vatanperver faalleri «dayiniñ» yüzüni mavı sarı şeritnen bağlap, oña Ukraina milliy bayrağını «tutturdılar». Saba işke kelgen memuriyetniñ hadimleri yıqılğan eykelni kördiler.

XS
SM
MD
LG