Link açıqlığı

Saatnıñ esas haberi

Keriçniñ sabıq yolbaşçısı Osadçiyni mayıs 17-ge qadar apiste qaldırdılar


Oleg Osadçiy
Oleg Osadçiy

Aqmescitniñ Kiyev rayon mahkemesi Keriçniñ sabıq yolbaşçısı Oleg Osadçiyniñ apis cezasını bir ayğa arttırdı, o, mayıs 17-ge qadar SİZOda qalacaq. Bunı cuma künü, aprel 17-de, Rusiye Taqiqat Komitetiniñ Qırım baş taqiqat idaresi reberiniñ yüksek yardımcısı Yevgeniya Belikova bildirdi, – dep haber ete Qırım ükümetiniñ «rurorı» Krıminform saytı.

«Taqiqatçı Osadçiyniñ apis müddetini arttırmağa muracaat etti ve mahkeme bu muracaatnı qabul etti», – dedi Belikova.

Malüm olğanı kibi, fevral 17-de taqiqat komiteti Osadçiyge qarşı Rusiye Ceza Kodeksiniñ 286-ncı maddesiniñ 2-nci qısmı boyunca cinaiy iş (Rusiye Federatsiyasınıñ ya da Rusiye Federatsiyasınıñ subyektinde devlet yerini alğan memur tarafından vazifeden tış yapılğan areketler) açtı.

Cinayet Keriçniñ merkezinde Oktâbrniñ 50 yıllığı stadionınıñ yanında topraq damartısı sıñırlarınıñ qanunsız deñiştirilmesi ile bağlı.

Keriç mahkemesi Keriç şeeriniñ sabıq yolbaşçısı Oleg Osadçiyni cumaaqşamı künü, fevral 19-da, eki ayğa qadar apiske aldı.

Fevral 27-de taqiqat komiteti Osadçiyni vazifeden tış areketlerniñ yapılmasında qabaatladı.

XS
SM
MD
LG