Link açıqlığı

Bazarertesi künü, aprel 20-de, Euromaydannıñ Qırım faali Aleksandr Kostenkonıñ işi boyunca mahkeme keçirilecektir. Onı 2014 senesi fevral ayında Kiyevdeki çatışmalarda «Berkut» mahsus bölüginiñ hadimine zarar ketirilmesinde ve silânı qanunsız alda tutuvda qabaatlaylar. Bunı adliyecisi Dmitriy Sotnikov bildire.

Mahkeme saat 11:00-ge planlaştırıla.

Qırım Euromaydanınıñ faali Aleksandr Kostenko 2015 senesi fevral 8-de Qırımda apiske alınğan edi. Aleksandr Aqmescitniñ SİZOsında buluna. O, onı qıynağanlarını bildirgen edi. Mart 24-te Kostenkonıñ işi Aqmescitniñ Kiyev rayon mahkemesine berildi.

Qırım Muhtar Cumhuriyetiniñ prokuraturası Herson vilâyetinde faalniñ qanunsız yaqalanması boyunca mahkemeden aldın taqiqatqa başladı.

XS
SM
MD
LG