Qırımtatar Milliy Meclisiniñ reisi Refat Çubarov qıtaiy Ukrainada Qırımnıñ Ukraina havfsızlıq hızmeti ve İçki işler nazirliginiñ idarelerini açmaq ğayesine qoltuta. Onıñ fikirince, bu adım ukrain akimiyeti tarafından Qırımda olıp keçken cinayetlerniñ ögrenilmemesi meselesini al etmege yardım eter, dep haber ete Qırım.Aqiqat.
«Şimdilik sistemli ve faydalı iş yoq. Bunıñnen Ukraina qanunlarına köre oğraşacaq organlar yoq. Menim fikirimce, Ukraina İçki işler nazirliginiñ ve Ukraina havfsızlıq hızmetiniñ Qırım idareleri ğayrıdan tiklenmek kerek. Er kes Ukrainanıñ işğal etilgen yerlerinden tış imkânı olğanı qadar vazifesini yapmaq kerek», – dep ayttı Meclis reisi.
Ukraina Baş prokuraturası Yuqarı Rada ve Nazirler şurasını Qırımdaki cinayetlerni taqiq etken uquq qoruyıcı strukturalarnıñ maliye etilmesini arttırmağa çağıra. UBP İİN ve UHH Qırımnıñ territorial idarelerini qurmaq ğayesine qoltuta.
