Link açıqlığı

Tarihçı yarımadağa qırımtatar toponimikasınıñ qaytarılacağına inanmay


Tarihçı Gülnara Abdula degeni kibi, şimdiki Qırım akimiyetiniñ yarımadağa qırımtatar toponimikasını qaytarmaq vadeleri amelge episi bir keçmez.

Bunı o Qırım.Aqiqatqa bildirdi.

«2006 senesi, daa Yuşçenko prezident olğanda, bütün adlarnı deñiştirip, eski soylarnı qaytarmaq kerek olğanı aqta sual köterile edi. Ebet, Qırımda olar qırımtatar edi, ve o vaqıt, 2006 senesi bu mesele öyle de al etilmedi. Ebet, bunı ertece yapmağa kerek edi», – dey tarihçı.

Şimdiki vaziyette, dey o, yarımada şeer ve köylerine tarihiy qırımtatar serlevalarınıñ qaytarıluvına ümüt daa da az oldı.

«Qırımda bugün olğanı, doğru aytayıq – işğal, ve «Qırım akimiyetiniñ» bazı temsilcileri eski adlarnı qaytarmağa söz bereler, amma bu yalıñız vadedir, amelge iç bir vaqıt keçmez, şunıñ içün ümüt beslemek kerekmey», – dey tarihçı Gülnara Abdula.

2014 senesi mayıs ayında Qırım Rusiye başı Sergey Aksönov akimiyet tarihiy adlarnıñ qaytarıluvını tüşüngeni aqta bildirgen edi.

XS
SM
MD
LG