UNESKOda Qırım boyunca beyanname tasdiqlanılğanından soñra, ukrain eyyeti, UNESKO memleket-azalarınıñ temsilcileri tarafından alınacaq qararlardan biri olaraq, UNESKO aza-memleketleri ve çeşit teşkilâtlarnıñ iştiragi ile informatsion körüşüvni teşkil etmege teklifi ile buyurdı. İşbu körüşüvde Qırım meselesi muzakere etilecek.
Bunı Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ matbuat hızmeti bildire.
Qayd etilgeni kibi, körüşüvni çeşit saalardaki vaziyetlerni aydınlatmaq, medeniy asabalıqnı qoruv, tasil, til siyaseti, matbuat vastalarınıñ serbestligi ve jurnalistlerniñ havfsızlığını muzakere etmek maqsadı ile toplaycaqlar.
«Yani, işbu konferentsiyada bizde işğal etilgen Qırımdaki vaziyet aqqında tarif etmege imkânlarımız olacaq. Onıñ neticelerine köre, ümüt etemiz ki, areketlerniñ muayyen planı işlep çıqarılacaq, oña köre UNESKO Qırımda vaziyetni nezaret etecek», – haber ete Cemilevniñ matbuat hızmeti.
Aprel 16 künü Birleşken Milletler Teşkilâtınıñ tasil, ilim ve medeniyet meseleleri boyunca İcraiy şurası Qırım Muhtar Cumhuriyetinde vaziyetniñ nezaret etüvi müddetiniñ uzattırılması aqta beyannameni qabul etти.
Ukraina prezidentiniñ qırımtatarlarnıñ işlerinden vekâletlisi Mustafa Cemilev iş ziyareti ile Frenkistanda buluna. Matbuat hızmeti bildirgeni kibi, aprel 15-17 künleri Pariste Ukraina ve vaqtınca işğal etilgen Qırım meselelerine bağışlanğan bir sıra tedbirniñ keçirilmesi beklenile.
