Link açıqlığı

Nino Burcanadze: Qırım Rusiye qısmı olıp, iç bir vaqıt Ukrainanıñ terkibine kirmez


«Demokratiya areketi» yetekçisi Nino Burcanadze

Qırım şimdi Rusiye qısmı ola ve endi iç bir zaman Ukrainа terkibine keçmez, – dedi «İmedi» gürci telekanalınıñ efirinde «Demokratiya areketi» yetekçisi Nino Burcanadze.

Onıñ sözlerine köre, dünya toplulığı bütünley Qırım aqta unuttı, – haber ete «İnterpress News» haber agentligi.

«Dünya nizamı ğayet sıq bozulmaqta, bunı nice devletlerniñ areketlerinde körmek mümkün, bu tek Qırım aqqında degil. Qırım bugün Rusiye qısmı ola ve artıq iç bir zaman Ukraina terkibine keçmez. Ukrain akimiyeti Ğarbnıñ tesiri altında radikal ve ümde hatalarğa yol berdi, Qırımdaki adiseler buña netice oldı. Bugün halqara toplulıq Qırım aqqında unuttı… Bu aqiqatqa köre, netice çıqarmalımız, bugünki kerçek – artıq Qırım aqqında aytqan devlet qalmadı».

Onıñ sözlerine köre, Qırım ve Samaçablo «bir birinden tam farqlıdır», tek tarihiy keçmişke köre degil de, bugünki vaqialarğa köre de farqlı.

Burcanadze añlatqanı kibi, Qırım referendumında sakinlerniñ 93% iştirak etse, Samaçablo ve Abhaziyada referendumlarında işbu regionlarda ziddiyetten evel yaşağanlar iştirak etip olamay edi, şunıñ içün olarnıñ qanuniy olğanını aytmağa mümkün degil.

Nino Burcanadze evel «Gül inqilâbı» iştirakçisi edi, amma Miheil Saakaşvili muhalifetine keçkenden soñra mevamı Rusiye tarafına çekmege başladı.

Şimdi Burcanadze Gürcistanda Rusiye tarafdarı olğan siyasetçilerden biri ola.

XS
SM
MD
LG