Link açıqlığı

Aqmescit sakinleri müthiş yollardan şikâyet ete


Aqmescit sakinleri şeer soqaqlarında yol örtüniñ fena vaziyetinden şikâyet ete. Qırım.Aqiqat mühbiri bildirgeni kibi, Aqmescit merkezinde Proletarskaya, Şmidta, Roza Lüksemburg soqaqları iç te tamirlenmey.

«Nasıl yollar ola bile? Qırımda yol yoq. Şimdi yolnıñ burulışında çuqurğa tüştim ki, Aqmescitte yol iç te yoq», – tarif ete yerli sakin.

Aqmescit sakinleri aytqanı kibi, yollarda yengil maşina keçip olamaycaq çuqurlar peyda oldı.

«Aytılacaq şey yoq, yollar o qadar fena, beteri olamaz. Aqmescit, Aqyar, Kezlev kibi Qırım şeerlerinde tek merkeziy yollarnı yapalar, qalğanlarnı ise iç de diqqat etmeyler», – şikâyet ete Qırım aydavcısı.

Evel bildirilgeni kibi, 2015 senesi Qırım yollarınıñ tamirine, Qırım naqliyat naziri Anatoliy Tsurkinniñ sözlerine köre, 4,1 milliard ruble ayırılğan edi.

XS
SM
MD
LG