Rusiye prezidenti Vladimir Putinniñ fikirince, Ğarp tarafından memleketke qarşı kirsetilgen cezalar «iqtisadiyatnıñ sağlamlaştırılmasına» yardım etti.
Bunı o aprel 16-da «Doğru ağda» ayttı, dep haber ete Qırım.Aqiqat.
«Cezalardan sebep üküm sürgen vaziyetni qullanıp, inkişafnıñ yañı basamaqlarına çıqmaq kerekmiz. Bizler, belki de, yapmaz edik, amma bugün italâtnı deñiştirmege mecburmız ve öyle yapacaqmız. Ümüt etem ki, bunıñ sayesinde evelden olğanına köre inkişafnıñ büyük saaları daa tez inkişaf etecek», – dedi Putin.
Avropa Birligi, AQŞ ve bir sıra diger memleket Rusiyeniñ Qırım işğali sebebinden oña qarşı birinnci cezalarnı 2014 senesi kirsetti. Soñra Donbasstaki vaziyet kerginleşkeninden sebep cezalar quvetleştirildi. Ğarp ve Ukraina Rusiyeni Ukraina şarqındaki separatistlerge yardım etkeninde qabaatlaylar. Moskva bunı red ete.
Vladimir Putin aprel 16-da rusiyeliler ile «Doğru bağ» ananeviy subetini keçire.
Muracaat etken rusiyelilerniñ çoqusı içtimaiy-iqtisadiy, mesken-kommunal hocalığı saalarınen bağlı meseleler, halqara vaziyet, em de Ukraina vaziyetinen meraqlana.
