Aqmescit rayonında vandallar faşizm qurbanlarınıñ qardaş mezarını açtılar, dep bildire Qırımnıñ Rusiye ükümetiniñ medeniy mirasnı qoruv boyunca devlet komitetiniñ matbuat hızmeti.
Bu malümatnı yeudiyler cemaatı berdi. Qardaş mezarı cenk vaqtında kütleviy idam yeri olğan tanklarğa qarşı or olğan edi.
Devlet komitetiniñ malümatına köre, Aqmescit-Kefe yolunıñ 10-uncı kilometri baqıldı, hızmetniñ hadimleri belgisiz şahıslar tarafından yapılğan dört çuqurnı taptılar.
«Çuqurlarda ve olarnıñ yanında insan kemikleri, em de ayaqqap ve urba qalımtıları tapıldı», – dep haber ete matbuat hızmeti.
Devlet komiteti uquq qoruyıcı organlarğa muracaat etti, taqiqat tedbirleri başladı, dep bildire matbuat hızmeti.
