Avropa parlamenti Osmanlı devletinde ermenilerniñ kütleviy öldürüvlerini ve sürgünligini «genotsid» dep adlandırğan rezolütsiyanı qabul etti.
Avropa parlamenti «Avropa birdemligi ve adaleti şeklinde Ermenilerniñ genotsidini añmaqta», aytıla Avropa parlamentiniñ eñ büyük siyasiy gruppaları qabul etken rezolütsiyasında.
Rezolütsiya zemaneviy Türkiyeni arhivlerni açıp, «keçmiş ile razı olmağa ve ermenilerniñ genotsidini tanımağa» çağıra.
Türkiye rey berüvden evel rezolütsiya metnini takbih etti. Prezident Recpe Tayip Erdoğan dedi ki, «Avropa parlamenti angi bir rezolütsiyanı qabul etse de, bir qulaqqa kirer ekinci qulağımızdan çıqar».
Onıñ aytqanına köre, Türkiyeni «genotsid» cinayetinde qabaatlamazlar.
Avropa parlamenti 1987 senesi o adiselerni «genotsid» dep adlamağa başladı.
Bu ay Osmanlı devletindeki adise-vaqialarnıñ yüz yılı tola. 1915 senesi sürgünlik neticesinde bir buçuq million ermeni sürgünlik neticesinde elâk olğan edi.
Ermeniler bunı genotsid olaraq qabul eteler, ve yıl-yıldan aprel 24-te bu künni añalar.
Zemaneviy Türkiye bunı genotsid olaraq qabul etmeyip, o adiseler vatandaşlarara cenk olğanını ayta ve anda türkler de elâk olğanını bildire.
