Link açıqlığı

Tacikistanda Rusiye arbiy bazasınıñ hadimleri aylıq borclarından sebep narazılıq bildireler


Kulobada narazılıq bildirgenler, 2015 senesi aprel 15 künü

Tacikistanda Kuloba şeerinde Rusiye arbiy bazasınıñ onlarnen hadimi narazılıq aktsiyasına çıqıp, yarım yıldan berli aylıq alamağanlarını bildirdiler, – dep haber ete Radio Svoboda.

Aktsiya iştirakçileriniñ aytqanına köre, bazanıñ reberligi borclarnı bermege vade etti.

Lâkin olardan biri Bozorali Boltayevniñ bildirgenine köre, bunıñ kibi vadelerni Rusiye bazasınıñ diger hadimleri bir qaç kere eşitken ediler, lâkin para öyle de berilmedi.

Rusiye bazasınıñ temsilcisi İgor Şçerbakov bildirdi ki, bazanıñ hadimlerge borcları yoq, çünki paranı üçünci taraf – hadimlerni işke qabul etken ve aylıq bergen «Bit servis-plüs» şirketine bere.

Bu şirket ise Rusiye bazasından para almağanını bildire.

Afğanistannıñ qomşusı olğan Tacikistanda tahminen 7000 Rusiye arbiyi buluna. Rusiye tışında onıñ eñ büyük arbiy noqtası mında yerleşe.

XS
SM
MD
LG