Qırımtatarlarnıñ milliy lideri Mustafa Cemilev bildire ki, Rusiye arbiyleri Yaltada özen silâsı anbarını ğayrıdan tiklemek içün gece-kündüz çalışa.
Bunı o Parijde jurnalistlerge ayttı, dep haber ete Ukrinform.
«Şimdi Qırımda küçlü arbiy baza tiklenile. Elde etkenimiz malümatqa köre, Yalta civarındaki Qızıltaşta özek silâsınıñ anbarını gece-kündüz ğayrıdan tikleyler», – dedi Cemilev.
Onıñ aytqanına köre, böylece, Ukrainanıñ bir qısmı «özüne özek devleti statusını» qaytara.
Qırımnıñ Rusiye yolbaşçısı Sergey Aksönov Moskvanıñ emri olsa, Qırım akimiyeti yarımadada özek silâsınıñ yerleştirilmesine qarşı çıqmaycağını bildirgen edi.
Ukraina prezidentiniñ qırımtatar halqınıñ işlerinden vekâletlisi Mustafa Cemilev Frenkistanda iş ziyareti ile buluna. Aprel 15-17 künleri Parijde Ukraina ve işğal etilgen Qırım meselesinen bağlı bir sıra tedbirniñ keçirilmesi planlaştırıla.
