Link açıqlığı

Qırımda aprel 21 künü Putinniñ «reabilitatsiyağa oğrağan halqlar» aqqında imzalağan fermanı munasebeti ile bayram keçirecekler


Qırımda aprel 21 künü Rusiye prezidentiniñ «Ermeni, bulğar, yunan, qırımtatar ve alman halqlarınıñ reabilitatsiyası ve inkişafınıñ devlet destegi aqqında» fermanınıñ yıllığına bağışlanğan «Reabilitatsiyağa oğrağan halqlarnıñ ğayrıdan doğuv kününi» qayd etecekler.

Bu aqta Qırımnıñ Rusiye ükümeti saytında aytıla.

«Reabilitatsiyağa oğrağan halqlarnıñ ğayrıdan doğuv künü aprel 21-de qırımtatarlarnıñ, yunan, ermeni, bulğar, almanlarnıñ yañı şaraitlerde yañı ayatnıñ bir timsali olur», – dedi Qırım baş nazir müvini Ruslan Balbek.

Onıñ fikrine köre, bu «çoq beklenilgen bir bayram»dır.

Vladimir Putin 2014 sene aprel ayında, Qırımnıñ Rusiye terkibine keçmesine yol bergen mart «referendum»ından soñ, repressiyalarğa oğrağan halqlarnıñ aqlanuvı aqta fermannı imzalağan edi.

XS
SM
MD
LG