Aqyarda ücüz ukrain mahsulatı yoq olmaqta. Onıñ yerinde olğan Rusiye mahsulatı müşteriler içün paalığa tüşe.
Bunı Qırım.Aqiqatqa yerli sakinler bildire.
Şu cümleden, Aqyarlılar aytqanı kibi, başta tükânlarda ukrain süt mahsulatı, qıta ile bağı olğan bazı tükânlarda daa qalğan penirden ğayrıdan, yoq oldı.
«Şimdilik yerli tükânlarda tez bozulğan ukrain süt mahsulatını tapmaq mümkün degil: temin eticiler ukrain süt mahsulatını Qırım ya Krasnodar palı mahuslatına deñiştireler», – deyler aqyarlılar.
Erkekler aprelde Aqyar tükânlarında ücüz ukrain birası yoq olmağa başlağanını qayd eteler.
Aqyarnıñ «Lötçiki» mikrorayonında yaşağan 50 yaşında Vladimir aytqanı kibi, yaqında «Çernigovskoye» ukrain birasını satın ala edi ve işbu içkiniñ diger türleri de bir litra içün 70-75 rublege satıla edi. Şimdi ise tükânlarda esasen Krasnodar birası satıla, eñ ücüzi – litr içün 100-120 ruble.
Umumen, erkeklerniñ aytqanı kibi, Rusiye içkisi, raqı, misal içün, ukrain alkogolinden bayağı paalıca.
Aqyar tükânlaırnda ukrain istisalcınıñ küpre (pirniç, tüy, qara boğday, cılap), mineral suvnı («Morşinskaya», «Prozora», «Polâna kvasova») daa tapmaq mümkün, çarşılarda – Herson almaları satıla.
