Link açıqlığı

Aqmescit merkezinde Kirov caddesini Rusiye prezdineti Vladimir Putin adına deñiştirmek teklifi ile AVANTI Rusiye biznes-vatanperverlik inkişafı birligi buyura.

Teşebbüsçi – işbu resursnıñ tesisçisi Umar Cabrailovdır.

Bu sebepten internette rey berüv keçirile. Birlik ileride işbu neticelerni Qırımnıñ Rusiye ükümetiniñ başı Sergey Aksönovğa berecek ola.

«Rusiye ve Qırımnıñ tarihiy birleşüvi Rusiye prezidenti Vladimir Vladimiroviç Putinniñ qattı mevamı ve aqiqiy vatanperverligi sayeisnde olıp keçti. Buña köre, Aqmescitte Kirov merkeziy caddesini Vladimir Vladimiroviç Putinniñ adına deñiştirmege ve buña izin olsa, vekâletli şahıslarnı belgilemege rica etemiz», – denile Cabrailovnıñ Aksönovğa yollanılağn mektübinde.

Aprel 15-ne cadde serlevasınıñ deñiştirilmesine 700 insan qol tutı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG