Link açıqlığı

Qırım senatorı öz yedi daire, eki ev ve üç million keliri aqqında tarif etti


Qırım Rusiye senatorı Olga Kovitidi

Qırım Rusiye senatorı Olga Kovitidi yedi daire, eki ev ve 128 m kare meydanlığına bir oda saibi ola. Qırım.Aqiqat mühbiri aytqanı kibi, Kovitidiniñ kelir beyannamesiniñ işbu malümatı Rusiye Federatsiyası Şurasınıñ resmiy saytında aşkâr etilgen.

Vesiqağa köre, Kovitidige ait binalar Rusiye territoriyasında yerleşe.

132 metr kare meydanlığında daa bir daire senator tarafından şimdi qullanılmaqtadır. Beyannamede qayd etile ki, işbu daire Kovitidi ve olarnıñ çağına yetmegen eki balalarınıñ qullanuvındadır.

Bunıñ ile o Mercedes-Benz ML 350 maşinasınıñ saibidir.

Rusiye Federal Toplaşuvı Federatsiya Şurasınıñ azası Olga Kovitidiniñ yıllıq kelir esabı 3,02 million ruble, aqayınıñ – 702,5 biñ rubleni teşkil etti.

Malümat 2014 senesi yanvar 1 – 2014 senesi dekabr 31 müddetini qaplap ala.

Olga Kovitidiniñ adı Avropa Birliginiñ sanktsiyaları kirsetilgen 15 Rusiye vatandaşınıñ soyadları cedveline kire. Olarğa vizalarnıñ berilmesi yasaq etile ve maliye aktivleri «buzlatıla».

XS
SM
MD
LG