Link açıqlığı

Bazar künü, aprel 19-da, Aqyar medeniyet ve sanat merkezinde «Aqyar» yerli qırımtatar halq ansambli kontsert berecek. Tedbir teşkilâtçısı Aqyar şeerinde qırımtatar medeniyetiniñ yañartuvı boyunca koordinatsion merkezi oldı.

Qırım.Aqiqat mühbirine taqım iştirakçisi aytqanı kibi, programmada dünyanıñ çeşit milletleriniñ oyunları taqdim etilecek.

«Çıqış iştirakçileri em bizim – qırımtatar halq oyunları, em yeudi, ermeni, bulğar ve Qırımda yaşağan digger halqlarnıñ oyunlarını icra etecek», – dep añlatalar tedbir iştirakçileri.

«Bu kibi tedbirlerniñ esas maqsadı – halq icadı ve halq oyunlarınıñ populârlaştıruvıdır. Ümüt etem ki, çeşit millet vekilleri bizge qoşulır», – dey ansambl iştirakçisi.

Malüm ki, çıqışta bulunacaqlarnıñ arasında Qırım yarımadası tışında keçirilgen çeşit festival ve yarışlarnıñ ğalipleri de bar.

XS
SM
MD
LG