Link açıqlığı

Qırım jurnalistiniñ dairesinde keçirilgen FSB qanunsız tintüvi boyunca cinaiy iş açıldı


Anna Andriyevskaya

Qırım jurnalisti, «Tsentr jurnalistskih rassledovaniy» müellifi Anna Andriyevskayanıñ dairesinde FSB hadimleri tarafından keçirilgen qanunsız tintüv boyunca cinaiy iş açıldı. Bunı Ukraina Baş prokuraturası yanında teşkil etilgen QMC prokuraturasında bildirdiler, – haber ete «Tsentr jurnalistskih rassledovaniy».

Müessiseniñ malümatına köre, Mahkemeden evel taqiqatlar yekâne cedveline Ukraina Cinaiy kodeksiniñ 162 maddesi, 1-nci qısmına köre cinaiy bozuluv aqta malümat kirsetildi.

İşğal etilgen territoriyalar aqqında 12-nci maddeniñ 2-nci qısmına uyğun cinaiy taqip malümatı Ukraina Baş prokuraturasına yolanılğan.

Malüm olğanı kibi, 2015 senesi mart 13-te Qırım jurnalistleri Anna Andriyevskaya ve Natalya Kokorinanıñ ana-babaları yaşağan evlerde FSB tintüv keçirdi. Bunıñ sebebi Tsentr jurnalistskih rassledovaniy neşirinde çıqqan maqale boyunca cinaiy iş oldı.

Böylece, Qırımda yaşamağan Anna Andriyevskayağa qarşı FSB Rusiye Ceza kodeksiniñ 280.1-inci maddesi boyunca «Krım» batalyonınıñ göñüllileri aqqında maqalesi içün cinaiy iş açtı.

Natalya Kokorinanıñ ana-babasınıñ evinde tintüv keçirilgen soñ jurnalistni FSB idaresine alıp kettiler. Onı iş boyunca şaat olaraq altı saat sorğuğa çektiler. Soñra ise bilgiyasayarını alıp, azat ettiler.

XS
SM
MD
LG