Link açıqlığı

Qırımda Reşat Ametovnıñ qatili Donbassta saqlanğanını tüşüneler


Qırımtatar faali Reşat Ametov, 2014 senesi baarde öldürilgen

Qırımda qırımtatar faali Reşat Ametov qatiliniñ adını belgilediler. Taqiqatnıñ fikrine köre, o şimdi qanunsız «DHC» territoriyasında Donetsk vilâyetinde buluna, – haber ete salı künü, aprelniñ 14-de, İnsan aqları boyunca Qırım alan eyyeti öz Facebook saifesinde.

«Taqiqat vekilleri merhumnıñ tuvğanlarına bildirgeni kibi, qabaatlanğan şahıs Rusiye territoriyasına kirgeninen yaqalanılacaq», – denile beyanatta.

2014 senesi mart 3-te saba, Aqmescitniñ Maryino mikrorayonınıñ 39 yaşında sakini, üç balanıñ babası Reşat Ametov evden çıqtı. Tuvğanlarına arbiy komissarlıqqa barıp, Ukraina ordusınıñ göñüllileri sırasına yazılacağını ayttı. Videokameralar onı Qırımnıñ Nazirler Şurası yanındaki Lenin meydanında piket keçirilgende çıqardılar.

Videoğa köre, Qırımnıñ «samooboronası» onı maşinağa oturttı. Eki aftadan soñ Reşat Ametovnıñ cesedi Qarasuvbazar rayonınıñ Ortalan köyünde tapıldı. Erkekniñ bedeninde azap izleri bar edi, başı yapışqan şerit ile sarılğan edi. Berilgen malümatqa köre, ölüm sebebi pıçaq ile yapılğan köz yarası oldı. ŞimdilikReşat Ametovnıñ öldürüv taqiqatı toqtatıldı.

XS
SM
MD
LG