Qırımnıñ Rusiye yolbaşçısı Sergey Aksönov muavini Ruslan Balbekke bir afta içinde qanunsız alda zapt etilgen topraqlardaki inşaatlarnı yıqmağa avale etti.
Bunı o Qırımnıñ Rusiye ükümetiniñ toplaşuvında aprel 14-te ayttı, dep bildire Nazirler Şurasınıñ matbuat hızmeti.
Balbekniñ malümatına köre, Aqmescit ve Aqmescit rayonında 200 inşaat yıqtırıldı, Sudaqta – yedi yerde inşaatlar, em de Nikita qasabasında (Yalta) 20 inşaat yıqtırıldı. Balbekniñ bildirgenine köre, topraq damartısına ihtiyacı olğan adamlarnıñ cedvelinde tahminen 10,6 biñ kişi bar.
«Qırımlılarğa, milletine baqmadan, akimiyetke yardım etkenleri içün teşekkür bildirmek kerek. Bu adamlarğa vesiqarlarnı resmiyleştirgende emiyet bermek kerek. Vesiqaları olğanlarğa soñuna qadar resmiyleştirmek kerek. Qararı olmağanlarğa – azat ettirmek. Adamlar yardım etmegen yerlerde aftanıñ soñuna qadar inşaatlar yıqılmaq kerek, 100%», – dedi Aksönov.
Qırımnıñ mal-mülk ve topraq munasebetleri naziri Aleksandr Gorodetskiy yarımadada qanunsız qurulğan 1600 inşaat bar olğanını bildirgen edi.
