Link açıqlığı

Rusiye separatistlerge qoltutmağa devam etip, Ukraina şarqında arbiy tedbirlerni keçirmek içün vaziyetni nezaret ete.

Bunı Amerika Qoşma Ştatlarınıñ Ukraina elçisi Geoffrey Pyatt Twitterde bildirdi.

AQŞ Rusiye Ukrainanıñ şarqında boyeviklerni azırlamaq içün idman merkezleriniñ açqanını bile.

Bundan ğayrı, Rusiye Minsk añlaşmalarını bozup, cebege yaqın zenit raketa komplekslerini tikley, dep qayd etti Geoffrey Pyatt.

Moskva AQŞ elçisiniñ bu malümatını daa izaatlamadı.

«Norman dörtliginiñ» iştirakçi memleketleriniñ tış işler nazirleri bazarertesi künü Berlinde çatışma yerinden silânı çekmege añlaştılar.

ATO quvetleri ve boyevikler bir-birini ateş açmasında ve Minsk añlaşmalarınıñ bozalmasında qabaatlaylar.

XS
SM
MD
LG