Link açıqlığı

ATR qırımtatar telekanalınıñ reberligi Qırımda yayınlamaq içün Roskomnadzordan izin almaga tırışacaq. Faqat telekanal qıtaiy Ukrainadan yayınlamaq teklifinden faydalanacağını da red etmey.

Bunı ATR telekanalınıñ baş müdiri Elzara İslâmova Jurdom neşirine bildirdi.

«Ukraina reberliginiñ teklifi aqqında aytsaq, biz bunı da red etmeymiz. Ukrain litsenziyamız bar, bütün dünyağa uydu vastası ile yayınlamaq imkânımız bar. Lâkin Qırımda çalışmağa ruhset bermeseler, bunı soñki çare olaraq baqacaqmız. Tekrarlayım, bizler halqımıznen qalıp, Qırımda yayınlamaq ister edik», – dedi İslâmova.

2015 senesi aprel 1-den itibaren ATR telekanalı işini toqtattı.Mart ayınıñ soñuna qadar ATR media-holdingi Rusiye qanunlarına köre kütleviy haber vastası olaraq öyle de qayd olamadı.

Şirket Roskomnadzorğa vesiqalarını bir qaç kere bergen edi, lâkin olarnı farqlı sebeplerden keri qaytara ediler. Aprel 1-ge keçer gecesi ATR telekanalı, Lâle bala telekanalı işini toqtatmağa mecbur oldılar. «Meydan» ve «Lider» radioları da diñleyicilerinen sağlıqlaştılar. Reberlik telekanalnı qayd etmege tırışacağını bildirdi.

ATR qapatılğan soñ cumhuriyetniñ akimiyeti cemaat qırımtatar telekanalını açmağa teklif etti. Olarnıñ fikirince, qırımtatarlar kerçek malümatnı almaq aqqını qullanacaqlar.

Ukraina prezidenti Petro Poroşenko ATR qırımtatar telekanalınıñ yayınını Ukrainada temin etmege avale etip, «bu ukrain akimiyeti içün şeref meselesi» olğanını qayd etti.

XS
SM
MD
LG