Link açıqlığı

Bariyev: Qırımda regional meclis reisiniñ evine patronlarnı qoyıp, Taqiqat komitetine alıp kettiler


Qırımtatar halqınıñ aq-uquqlarını qorçalav komitetiniñ reisi, Meclis azası Eskender Bariyev bildire ki, Rusiye uquq qoruyıcıları aprel 14-te Qarasuvbazar regional meclisiniñ reisi Mustafa Asabanıñ evinde tintüv keçirip, patronlarnı taptılar. Olarnı, Bariyevniñ aytqanına köre, özleri qoydılar.

Onıñ bildirgenine köre, regional meclisniñ reisini Rusiye Taqiqat komitetiniñ Qırım idaresine alıp kettiler.

«Pek sert çalışalar, birisiniñ qolunı silâ almasına izin bermeycek milliy areket faaliniñ evinde patronlarnı tapalar... Em de yarım yıl evelsi evinde keçirilgen tintüvden soñ patronlarnı kim tutacaq ki... Basqı devam etmekte. Qırımtatar halqını aşalamağa devam eteler. Bugün qırımtatarlarğa dünyada basqı altında qalğan halq statusı berilmek kerek», – dep yazdı o Facebookta.

Berilgen malümatqa köre, Qarasuvbazar regional meclisiniñ reisi Mustafa Asabanıñ evinde aprel 14-te saba uquq qoruyıcılar tintüv keçireler. Qırımtatar milliy areketiniñ faali, Qurultay Merkeziy saylav komissiyasınıñ reisi Zair Smedlâyevniñ bildirgenine köre, uquq qoruyıcılar «fevral 26 işi» boyunca malümatnı qıdıralar.

Mustafa Asabanıñ evinde tintüv ekinci sefer keçirilmekte. Uquq qoruyıcılar 2014 senesi sentâbr 16-da da tintüv keçirgen ediler. O vaqıt, tintüv neticelerine köre, Asabanıñ qırımtatar milliy areketinen bağlı diniy risaleler alındı. Tintüvden soñ er kişini politsiyağa subet içün davet ettiler.

XS
SM
MD
LG