Travel.ru Rusiye turistik portalı ilk sefer mayıs bayramlarında balalar ile raatlanmaq içün barılacaq Rusiyeniñ plâj yerleriniñ cedvelini tizdi. Olarnıñ arasında Qırımnıñ şimalinde yerleşken Canköy şeeri de kirdi.
«Cedvelniñ üçünci yerinde – Qırımnıñ tınç ve raat Canköy şeeri, onıñ güzel manzaraları ve quru yımşaq iklimi ğayet meşurdır. Bücet sutkada 1980 rubleni teşkil etti», – dep aytıla cedvelde.
Birinci yerde – kiçik şeer ve Qırımnıñ eñ temiz yerlerinden biri – Aqmeçit. Portalnıñ malümatına köre, raatlıq büceti 1865 Rusiye rublesini teşkil ete.
Ekinci yerde Qırımnıñ daa bir kurort şeeri – Aluşta. Sutkadaki büceti 1877 rubleni teşkil ete, dep qayd etile cedvelde.
Cedvelge Qırım, Krasnodar ülkesi, Kaliningrad vilâyeti ve Sankt-Peterburgnıñ on beş kurortı kirdi. Tatil büceti eki büyük ve on yaşındaki balağa esanlandı. Musafirhanede bir künlik qaluv (Oktogo.ru servisiniñ mayıs 3-4 künleri), üyle yemegi, meşur yerlerniñ ziyareti köz ögüne alındı.
Asılında ise, Canköy şeerinde deñiz yalısı yoq.
Malüm olğanı kibi, RBK Daily gazetasınıñ tedqiq neticelerine köre, Canköy Rusiyeniñ faqır şeerleri arasında yedinci yerni aldı.
