Qırımda qırımlılarnıñ alışqan aq-uquqları ve serbestligini yekünleycek siyaset alıp barıla. Bunı İnsan aqları Ukrain helsinki birliginiñ eksperti Sergey Zayets jurnalistlerge ayttı, dep bildire Qırım.Aqiqatnıñ mühbiri.
Onıñ bildirgenine köre, Rusiye qanunı belgilegen ekstremizm içün cinaiy mesüliyet fikir bildirüv serbestligini bozuv şekli ola.
«Rusiyeniñ grajdan ve siyasiy aq-uquqlar aqqında halqara añlaşmalarğa köre vazifelerine riayet etüv maruzasınıñ baqılması neticelerine köre yapılğan Birleşken Milletler Teşkilâtınıñ insan aqları boyunca komitetiniñ ilk hulâsalarına binaen, Rusiye Federatsiyasında ekstremizm içün cinaiy mesüliyet fikir bildirüv serbestligini bozğan şekillerden biri ola. Çünki bu maddege er şeyni keliştirmek mümkün», – dep qayd etti Sergey Zayets.
Ekspertniñ qayd etkenine köre, fikir bildirüv serbestliginiñ bozulması ciddiy aqibetlerge ketire bile, misal olaraq, akimiyet organlarında qabarcılıq ve diger menfiy aqibetler ola bile.
Birleşken Milletler Teşkilâtınıñ insan aqları komiteti Rusiyege «Qırım sakinleri içün serbestlik ve malümatnı temin etmege» tevsiye etken edi.
