Ukrain Qırım yarımadası işğaliniñ yılı devamında Rusiye Federatsiyası 2 milliard dollarnı sarf etti. Yaqın yılları – ceza ve Rusiye kapitalınıñ tüşmesini köz ögüne alsaq, Qırımnı işğal etmek «zevqi» içün tahminen 200 milliardnı bermek kerek. Ruble degil, dollarnı. Lâkin o qadar paranı qırımlılar ne sebepten is etmediler? Bu para kimniñ cebinde qaldı? İqtisadiyatı buhran vaziyetine oğrağan Rusiye devleti tübü olmağan çapçaqnı ne vaqıtqa qadar tolduracaq eken?
Qırım Rusiye şaraitlerinde ne içün para qazanıp olamay ve işğal etilgen yarımadadan biznes ne sebepten qaçıp kete – «Qırım.Aqiqat» yayınında «24» haber telekanalında.
Studiya musafirleri – Ukraina halq deputatı, Qırım Muhtar Cumhuriyeti Nazirler Şurasınıñ sabıq reisi Anatoliy Matviyenko, Siyasiy tedqiqler ve analitika merkeziniñ eksperti Sergey Karelin ve Buhran ile küreş milliy gruppasınıñ idareci ortağı Taras Zagorodniy.
Yayın cumaertesi künü saat 18:30 (Aqmescit saatine köre saat 19:30) ve bazar künü saat 11:30 (Aqmescit saatine köre saat 12:30) efirge çıqa.
Radіo Svoboda ve Qırım.Aqiqat saytlarında saat 18:30 seyir etmek mümkün.
Radio Svobodanıñ yañı leyhası – işğal etilgen Qırım vaziyetini bilmege istegen insanlar içün azırlandı.
